南瓜煮物

拎起本日本食譜揭揭吓睇吓煮乜好嘅時候，見到呢個南瓜煮物.試吓都好喎. 於是繼續煮南瓜.

500g南瓜連啲啲皮切一口size放入煲內，加水蓋過南瓜, 落三湯匙糖，半茶匙鹽, 用嘢壓住啲南瓜大火煲滾。(我倒轉個蒸架)
滾後轉中火. 時不時隔走啲泡泡（日本人好似唔多like啲泡泡，食sabu sabu時都係咁做). 但唔可以攪拌. 當水份減去一半 時, 落一湯匙豉油，兩匙味醂。繼續煲到剩低三份一水.

連皮同搵嘢壓住係等南瓜唔好煲散。(我冇連皮都OK)
OMG! 好有南瓜味,唔係我杯茶。要搵人消滅咗佢先得。