2015年11月2日星期一

萬聖節(夜)

奧地利呢一兩年先興萬聖節。喺度住咗咁耐第一次有人撳門鐘trick or treat。我乜都冇準備梗係冇開門啦.
而今年Prater遊樂場第一次搞萬聖節巡遊。

話六點開始,但聽工作人員講我呢個位係巡遊終點,要七點先有人到。所以好多人都唔等走咗,咁我先霸到個頭位咋.





等呀等,等咗個半鐘有多終於有嘢睇.
跟住有個好似奧地利肥婆女皇打份嘅人上台.
 點着個木頭人之後,皇冠爆開. 四週發放好弱雞嘅煙花.
然後舞蹈員伴住MJ嘅Thriller跳舞。
 唔聲唔色,跳完原來個節目就完咗. 吓? 咁快??
走人時見有一隊人我懷疑係巡遊人仕. 可能佢哋冇上台.出年一定要去巡遊出發處等.

33 則留言:

  1. 咁出年記得準備下,唔好唔開門啦!

    回覆刪除
  2. 以前响syd過萬聖節, 一定準備大大袋糖架!

    回覆刪除
  3. 孤寒王老子, 你有冇考慮到呢日唔開門, 有可能俾人燒你間茅屋架XXD

    回覆刪除
    回覆
    1. 我唔開大門佢哋上唔到樓.唔驚。

      刪除
  4. 一定係驚自己太醜樣一開門就嚇親啲細路,連糖都唔拎就一支箭飆走晒。

    回覆刪除
  5. 回覆
    1. 睇呢個show免費㗎。遊樂場玩o野就逐樣計。

      刪除
  6. 我好彩有準備糖呀,嚟咗廿幾個細路

    回覆刪除
  7. 少爺們細時都有人嚟攞糖,而家強國人多咗,佢地唔懂西方節日,又唔比小朋友出街玩,所以無節日氣氛!

    回覆刪除
    回覆
    1. 強國小朋友同化咗之後我估氣氛會轉好.

      刪除
  8. 都算幾多人扮鬼扮馬啦,點都好過我呢邊!

    回覆刪除
    回覆
    1. 係咪除咗ShuShu你度冇後生仔女咋

      刪除
    2. 因我住的是老人區(離市區頗遠),小孩子不多呀!
      而後生仔女都出去大城市玩啦……

      刪除
  9. 無準備,求其喺廚房嗱喳沙糖比佢哋囉 :))
    我有次喺雪櫃攞舊麥記蘋果批當糖比佢哋,條細路見到蘋果批都唔知幾開心,即刻要hug我 :p
    咁你有無較細電視聲浪費事比人聽到,知你扮唔喺屋企呀?:p

    回覆刪除
    回覆
    1. 你求其得好緊要喎.
      我唔開大門卑佢哋上樓.

      刪除
  10. 王子你有冇化裝出征呢 ?

    回覆刪除
  11. 咁快就完左~?
    咁真係....等仲耐過睇呀!

    回覆刪除
  12. 等咁耐衹看到呢個節目 ? 太令人失望了 .

    回覆刪除

入咗嚟,不如寫幾隻字,留個言啦.