好耐好耐之前煮過越式焦糖豬肉Thịt Kho Tàu. 因為嗰個食譜要用椰子汁。唔想去中超買,所以冇再煮過lu.
最近見呢個可樂版,試吓同唔同味先. 所以就去買豬腩.
https://www.youtube.com/watch?v=pVcAcFRt_gk
材料有一磅豬腩，1/4杯魚露，一杯可樂，一杯水,五隻烚蛋，15粒胡椒，1/4個小洋蔥.
煮法>豬腩切件,我就冇連豬皮, 用魚露去醃醃。
煲中倒入可樂,水,胡椒豬腩同醃汁.煮滾. 間中隔吓啲泡泡. 之後落蛋同洋蔥絲。轉細火炆佢個幾鐘。
味道好似上次煮嗰個㗎。以後想食,用呢個方法方便好多呢.
一年之始，吃豬肉，來年豬籠入水！
回覆刪除哈哈,乜都卑你講到變咗好意頭。
刪除呢味上海人煮用生抽 ,老抽, 糖, 蛋烚左去殼再輕輕介幾刀等佢更加入味.吸引過呢個.
回覆刪除上海嗰個叫乜名堂呀？等我去搵搵食譜嘛.
刪除兩星期前至煮完, 不過唔係可樂版, 王子今次唔怕魚露味?
回覆刪除怕㗎，但係又好鍾意食喎.
刪除btw Ah Mo好多時都煮越南o野,你係咪華僑嚟㗎？
我係純正香港人呀!
刪除鐘意煮越南野, 係呢度洋超有時都有豉油, 魚露, 椰奶, 整中國野呢, 就要多D材料至得
又係喎,整過幾樣越南o野都唔係用好多醬料。
刪除祝王子...猴年好運 ,事事如意 ,心想事成！
回覆刪除可樂版Thịt Kho Tàu 好味嗎？
恭喜發財！
刪除我覺得好食㗎。
我好少用魚露，其實用生抽老抽糖炆,已經好好味！
回覆刪除下次我又試吓用生抽老抽糖
刪除可樂含有蘇打，炆出嚟嘅肉會淋啲，而且節能，不過個餸啲色太淡，加少少老抽調吓色會靚啲
回覆刪除呢個真係好腍
刪除很簡單的做法，謝謝分享，祝新年快樂！
回覆刪除萬事勝意!
刪除用可樂會唔會唔正宗呀？
回覆刪除當然唔正宗啦.但係個味一樣。
刪除五隻蛋，咁多，食左幾多餐呀
回覆刪除煮一次食三餐. heheheh
刪除帶住個防毒面罩咪聞唔倒囉！
回覆刪除廚房陣味好久不散。
刪除椰子汁西超有㗎，唔使去中超 :p
回覆刪除I mean coconut water. 我度中超常有,西超我想買時偏偏就冇.btw係咪應該叫椰青水呢??
刪除椰子汁/椰青水/coconut water/coconut juice咪都係同一樣野，椰青係後生仔(未熟嘅椰子)，少肉多汁，椰子係長大成人，多咗肉少咗汁，兩樣汁都係一樣啫.
刪除coconut water/coconut juice西超應該有，有罐裝或紙包，咁啱無咪去第二間搵吓囉
我只見過一間西超有咋.搵得嚟我都去咗中超了.
刪除魚露很臭，但比䜴油更好味。
回覆刪除冇錯，煮咗出嚟係好好味㗎。
刪除我諗呢類餸擺一兩日更加入味…
回覆刪除祝你猴年愉快, 日日有食神~~
恭喜發財！
刪除炆嘅o野真係隔咗夜先好食.
新年快樂呀王子, 祝你日日有食神, 妃子長搵長有..hahahahaaa
回覆刪除又來遲了,不過也說句:新年快樂呀!
回覆刪除又廚神上身? 不過...豬腩好似...哈哈!
恭喜發財！
刪除宅喺屋企咪化身廚神囉.
這款餸甜甜辣辣當新年菜也不錯 .
回覆刪除唔辣架.
刪除見到豬腩有少少打冷鎮
回覆刪除冇乜肥喎我呢舊.
刪除