疫後上教堂

疫後上教堂, 教堂只可10m² 一個人.社交距離要一至兩米. 所以去彌撒就要訂位。

5月17經過一間教堂，冇訂位，睇睇可唔可以walk in啦. 又有位喎.

呢間入去前佢要同你消毒雙手. 只可以坐喺用黃紙mark咗嘅位置。冇提供詩歌書。唱嘅詩歌印咗喺張紙度. 彌撒完咗會收集然後燒毀。

當然成個過程要戴口罩啦.

5月21 喺奧地利嘅公眾假期（宗教）。呢日去咗一個鎮仔嘅彌撒。

可能室內唔可以坐咁多人. 所以個彌撒係喺戶外。

戶外就唔一定要戴罩。社交距離仍然有.同住嘅可以坐埋一齊。

5月24去屋企附近間教堂。今次有訂位。首先入去要消毒雙手. 但係就有歌書。聖餐禮時神父會消毒雙手先. 握手嘅環節就喺疫情未爆發前已取消。

法例話同住嘅可以坐埋一齊。但係呢間教堂就一定要分開坐，避免爭拗喎。神父話因為上個星期有個阿嬋想同個friend坐而爭論咗一輪。