疫後上餐廳

5月26 疫後首次出街食。搵咗一間日本餐廳（研究過覺得應該係日本人開嘅）.

店內不停loop幾首現時好hit嘅J-pops (例如Official髭男dism嘅Pretender)。侍應妹妹操有日文口音嘅德文。感覺唔係中國人扮嘅日本菜，冇揀錯.

間嘢上下兩層，唔大. 開業半年.

疫後侍應規定要帶口罩。顧客喺店內可以唔戴。枱與枱要相隔一米 (註＞只係張枱。櫈背對背零距離都可以). 餐牌畀人前一定要消毒。人客走後枱面會噴消毒劑。

廁所標示

有筷子座，有發水張開嘅手巾。

現時做梗推廣。三道菜set dinner 30歐。

個蜆（ハマグリの酒蒸し ）係最好食嘅。

野菜丼。。。我見識少，未見過係咁樣。依家寫blog去google一吓, 原來拮嘢家賣嘅係差唔多樣的。

甜品係大幅一個。

啲嘢價錢偏高。一次半次OK啦.