時代見證

我以前講過,喺超市攞車仔係要用銀仔去開瑣的（我估歐洲都係咁).

如果身上冇銀仔,就要問收銀唱錢。所以啲推廣禮物好多時都見呢啲有假銀仔嘅鎖匙扣.

友人執屋出土咗呢個假銀仔匙扣.

但係係一碌咁. 咁呢個匙扣仲有乜分唇呢?

原來係附帶一個歐元對奧地利先令嘅對照表。

呢個真係一個時代嘅見證。超市價錢轉咗歐元後，為方便啲人知到即係幾多先令出嘅產物嚟。