西式鹹魚炒椰菜花

 見食譜呢個帶子配鹹魚炒椰菜花。。。。窮呀，走帶子啦。

一個椰菜花約，一個中洋蔥切粒，一瓣蒜蓉，四條鬼佬鹹魚anchovies，兩湯匙檸檬汁，一個檸檬皮，番茜, 辣椒粉。

爆香蒜蓉，洋蔥，然後落鹹魚，加入椰菜花炒五分鐘。然後落檸檬汁，檸檬皮，番茜。鹽，胡椒，辣椒粉調味。 

味道OK啦。蠔油煮椰菜花好食啲囉。

BTW  噚日疑似食物中毒（同以上食物無關)。

話說噚日lunch食埋啲隔夜炒粉. 兜粉因為天氣凍我就咁放室溫（冬天習慣咗咁，未見過有事。唔通係有人暗中落藥謀害太子？？）食完過咗兩個鐘就上吐下瀉。仲標晒冷汗。好彩乜都攞番出嚟後，瞓個覺就冇嘢嚕。今日行得走得食得。