二次封城

今日另一話題係封城。

大家都知歐洲疫情反彈。奧地利暫時最高峰日有五千幾個新感染個案。

今日開始奧地利就lockdown喇, 直到月尾。

政府喺各小報賣晒廣告。（可能小報嘅入屋率高啲？）

8pm - 6am 宵禁。唔可以出街。

除咗。。。返工，返屋企, 去幫有需要嘅人，好urgent嘅生活所需（唔包括去買外賣），散步例外。

今次同上次唔同，舖頭可繼續營業。但規定每10m²只可一個客。要戴口罩。（呢邊幾多人用嘅透明面帚呢個星期尾開始將會被禁止使用）

為咗舖頭員工可以喺八點前返到屋企。所有舖頭最遲營業至晚上七點。

喺辦公室要保持社交距離。如果做唔到就要加隔板。鼓勵WFH。

要同客戶接觸嘅要戴口罩。

吊車不對遊客開放。

除咗醫院，老人院，公司飯堂，所有食肆不可堂食。

食肆可在6am-8pm提供外賣自取。8pm後可以送外賣。

低年級學生照常上課。

酒店不可接待遊客。

除咗。。。出差公務客，有緊急住屋需要等。（邊有酒店開門等你爆C渠嚟住呢？？）

禁止有身體接觸嘅運動。室內運動場，尖關閉。

遊樂場，泳池，溫泉，賭場，戲院，劇場，博物館，動物園等關閉。（最有趣係妓院屬於呢類）

圖書館繼續開放，但規定每10m²只可一人。公園都開。

聚會取消。包括喺私人車房，花園。（喺屋入面幾多人都可以，因為警察唔可以入屋檢查.）

唔可以搞生日party，婚禮, congress.  聖誕市集閂。（奧地利聖誕市集平時係十一月中開始）

香港要學嘅>　上街遊行可以（因為憲法付予人民有遊行嘅權利），但一定要戴口罩。

老人院員工要每星期一次檢測。

訪客要檢測或戴防菌口罩。每兩日只准一個訪客。

醫院，療養院要戴口罩。

員工要每星期一次檢測。

對我最大影響係冇得去博物館同劇院囉。Blog文可能都要減產喇。