試驗第一kick

見啲blog友整cake整得好高興,心郁郁想加入佢哋嘅行列. 最近可能因為聖誕,好多烘焙工具上架. 終於cheap cheap地買咗啲工具玩.

食譜..第一時間諗去blog友如月同samwei個blog摷吓. 海綿蛋糕原來有全蛋法同分蛋法. 我呢啲懶人梗係用全蛋法啦. 跟呢個份量唔係好夠,下次要double先得.

而因為個蛋糕唔高冇得玩切layers. 但係又心思思想用吓呢個嘢喎,咁試吓切平個頂先.幾好用吖， 7.50 euro一個都OK.

(冇咗相)

跟住玩上朱古力面,呢啲朱古力我呢度叫Glasur. 唔想咁單調,我揀咗黑白色. 初初唔識用,我鋪嗰時將兩種色撈埋(近鏡頭位置).下次識得只係從內而外撩出嚟. 另外上側邊都幾高難度. 又有冇高人可以分享吓經驗呢? 而嗰包100g嘅Glasur只係啱啱夠用.

切嚟食喇! 個海綿蛋糕好得播,下次整有cream 嘅cake會冇咁乾.

(冇咗相)

[材料]

雞蛋2隻，砂糖40g(已減糖)，低筋粉50g，可可粉6g，牛油溶液10g

[做法]

(1) 先用蛋糕紙圍好蛋糕模(蘸少許水會易黏住)。

(2) 蛋黃加入砂糖打至變白有黏性。

(3) 篩入低筋粉及可可粉，用手動打蛋器輕輕拌勻(千祈唔好過份攪拌)。

(4) 最後加入牛油溶液拌勻。