三個Christmas markets已經開咗

禮拜日冇嘢做又搵埋同鄉去襯墟. 維也納有三個Christmas markets已經開咗.但係Maria Theresien Platz呢個要17號先開.

首先去Museums Quartier. 因為維也納電車嘅可靠程度,同鄉未出現.咁我行吓博物館啲舗頭先啦.

美人魚聖誕樹吊飾.總係覺得同聖誕冇乜關係.

美男魚更加第一次見.

再去另一間舗.呢度有得影懷舊快相.

又一 Yes, You Can! 產品. 便秘...努力Yes, You Can!

再一間. 啲嘢嘅design我好buy.

Museums Quartier呢度嚴格嚟講唔算market.佢似啲bars多啲.

有各類熱酒賣.

小朋友就可以喺度玩遙控車.

離開時見到呢個浴室.係咪藝術品嚟呢?冇介紹喎.

行去Rathausplatz時見亞伯架車好型.

Rathausplatz個Christmas markets棵聖誕樹係上奧地利州送嘅.今年70歲架喇.

Rathaus (City Hall)裡面係小朋友workshop.

我哋嚟呢度係幫襯免費廁所啫.

Markets啲檔口睇咗幾年已經冇乜興趣影.

呢個老翻貴到吖. 我估香港呢個價錢買正版都得.

可愛薑餅.

迪迪尼?

跟住搭車去Altes AKH個Christmas market.

Altes AKH係維也納大學一個campus.以前呢度係一間醫院.

呢度比Rathaus少啲人. 好快行晒.同鄉請我去咗附近一間cafe,飲吓嘢,食吓嘢,吹吓水.過住維也納人嘅生活.

吹到間cafe都冇晒客,以為收舗添. 走嗰陣天都黑晒,其實只係5點幾. 咁我哋又返去Rathausplatz影夜景.

入夜後超多人.