朱古力蛋糕仔

前排遊blog,遊到去blogger雀后度.見佢整朱古力蛋糕,啱我食喎.個食譜同我自己整開個方法唔同,咁又試吓.

食譜中嘅自發粉我呢度係冇嘅. 咁麵粉同發粉個比例我就求鬼其. 又學人放朱古力粒,點知沉晒底. 呢兩個好少少，都見到啲。仲有啲蛋糕又發得唔高.

味道都幾好(係朱古力我都會話好食),蛋糕軟軟咁.唔似我以前整嘅實實感覺.

材料: 自發粉8湯匙、雞蛋2隻、牛油100g、朱古力奶236ml 1盒、

          朱古力粉1湯匙、糖5匙羹和入爐朱古力粒

做法: 先將蛋白用電動打蛋器打發好；牛油叮溶備用；

          把蛋黃、糖、朱古力奶、自發粉和朱古力粉等攪拌好，

          將打發好蛋白和牛油輕輕拌入，加入爐朱古力係粉糊面，

          最後用180度焗30分鐘便成。