2020年5月15日星期五

超市購物

最近喺超市買咗啲特別嘢。要紀錄一吓. 如果唔係老人家會唔記得。
廉價超市嘅營銷策略係每星期都有唔同新上㗎貨品。想人每星期都去行吓.最近L字頭嗰間就推廣西葡食品. 第一次見有葡撻。急凍貨,六件3歐咋.
平過去葡撻店買(葡撻店要兩歐一件㗎)
味道OK嘅。個餡仍creamy,但係個底焗唔脆。呢個價錢買得過.
同一間超市終於見有搓手液. 100ml 要5歐。都幾貴。
Made in Italy. 話有酒精,但冇講佔幾多%. 又冇講話可以殺菌。伏味好濃。
喺另一間H字廉價超市(其他國家佢係A字頭)亦有貨. 250ml 三毆。有易燃標誌,應該好過上面嗰隻卦。
好N年前發現右手邊嗰隻燕麥飲料好似麥精味 (只係冇糖, 我會加糖水飲)。但係一盒要兩歐幾,貴過飲奶好多.其他牌子試過唔好飲嘅。多數都係太淡味. 最近見H字廉價超市都有賣,又買嚟試啦。1.65一盒.
好飲喎. 燕麥成份仲多過飲開嗰隻 (左12%, 右11.5%), 但係就比較多渣。


12 則留言:

  1. 網上睇燕麥片加水打爛再隔渣,好易整喎!

    回覆刪除
  2. 我而家唔會再買超市個D萄撻, 真係同澳門嘅差好遠

    回覆刪除
  3. D葡撻會不會好甜? 嘩!你個邊D搓手液超貴喎.

    回覆刪除
  4. 冇搓手液,倒酒精落濕紙巾咪一樣
    葡撻自己整啦,咁鐘意揾譜
    呢d燕麥奶,杏仁奶香港大把

    回覆刪除
    回覆
    1. 直接落酒精傷皮膚嘛.
      啲撻我冇一次成功嘅。。。。
      我呢度都大把,但係好唔好飲就另一回事。

      刪除

入咗嚟,不如寫幾隻字,留個言啦.