2020年5月3日星期日

疫境閒時

奧地利放寬了居家令。未放寬時大家都知我會出外行行。
自從細舖頭可以營業後,唔同嘅口罩都相應上架.因為入舖頭搭,車都規定要戴。

布口罩暫時見最平係8歐一個.

一次性嘅最平見35歐50個.
另外部份超市入口設有交通燈控制人流。
呢個係我之前講過嘅巴士犯罪現場。乘客唔可以靠近個司機。但係有啲司機唔戴口罩的。
閒時就執吓屋啦.整理吓我啲罐。
又整理吓入咗冷宮未處理嘅郵票。

睇多咗電視啦 (其實係睇多咗yt).
某日轉台時見某電影台劉德華講德文喎. 即刻睇吓有冇雙語啦。居然有廣東話原聲。咁就睇晒全齣戲。
疫情期間睇咗圖下嘅兩本。
上面兩本郵購, 疫情期間等咗兩個星期有多先收到。
柯南我係一直都冇睇過漫畫同動畫(呢度嘅卡通台都有播德文版嘅)。
原來幾好睇嗰喎.
如果要返工真係唔想拎書睇的。

27 則留言:

  1. 老人雜物多,好在間屋大。
    超市人流指示燈係疫情才加上去?

    回覆刪除
    回覆
    1. 老人乜都係寶啦.
      係呀,疫情先加㗎,但唔係好多超市安咗.

      刪除
  2. 套乜姐好好睇,睇完你突然會更珍惜長者
    你果面啲人習慣戴口罩未呀?港女uncle話愛爾蘭街上戴口罩嘅人大約只得5%,出街帶口罩俾人仇視喎⋯⋯

    回覆刪除
    回覆
    1. 仲有,閒時在家可以好忙,好似你咁整理啲收藏品都夠你慢慢整幾日了

      刪除
    2. 齣戲係幾好睇。但係我相信啲西人會好難理解,例如香港嘅老人院。
      我度多咗人戴口罩。街上見八九成都有戴。
      啲郵票我整整吓又唔想整。

      刪除
  3. d布罩搶錢
    間恐怖垃圾屋好似d獨居老人執垃圾堆到一屋都係

    回覆刪除
  4. 回覆
    1. 我都費事買口罩。出街我用巾遮。我去嘅超市又有免費口罩派。

      刪除
  5. 我呢度話布造嘅5歐一個
    王子好多身外物

    回覆刪除
  6. 你家中的罐都十分整齊,都要整理?!...

    回覆刪除
  7. 回覆
    1. 現在冇早前咁緊張,普通外科罩都係百多元有五十個...
      我暫時未買過,全部都係有人攞過嚟~~

      刪除
    2. 原來香港平成半。
      咁好森兄有人照顧。我而家相信你係長者。

      刪除
  8. 嘩...口罩好貴,成三百幾蚊....50個,
    香港啲口罩大跌價一百伍拾蚊...50個,
    我朋友公司生產可收洗嘅口罩,可用重覆用60次....100蚊,
    香港政府已大批入貨

    回覆刪除
    回覆
    1. 原來香港平成半。
      可洗係咪即係布口罩?

      刪除
    2. 喺呀..濾蕊可以換,你都可以申請。

      刪除
    3. 我見好似要有香港手機號碼先申請到。

      刪除

入咗嚟,不如寫幾隻字,留個言啦.