Wolfsberg, Taggenbrunn & St Jakub im Rosental

6月27 繼續往南面一啲嘅地方進發。嚟到Wolfsberg.

呢度有個城堡好似好吸引。

鎮中心完全睇唔到的。大熱天時又懶得行上去喎.

註＞呢個城堡唔開放參觀嘅。但你可以包場搞會議或婚宴。

鎮中心廣場唔大.

呢日有個小市集。得幾檔。

但都有音樂娛賓。

買咗鴕鳥蛋酒送禮用, 十二歐。.鴕鳥肉腸就自用, 八歐幾。啲腸口感,食味都冇特別。肉係豬，鴕鳥肉混合。

Town Hall

離開時見有一個位可以見到個城堡。即刻落車影相.

繼續上路，經過St Andrä,有一間大教堂。

然後嚟到Taggenbrunn。呢度睇電視介紹, 所以想親身嚟睇吓.

廢堡冇上去行。呢度加咗新建築。我就唔多欣賞。好似破壞咗個原貌。

呢度係葡萄園嚟嘅。但係呢個州嘅酒產量唔多。

呢日最後嚟到投宿嘅地方St Jakub im Rosental。

揀錯地方。呢條村係住宅區，除咗山景就冇嘢睇的。

條河冇乜水.

鎮中心見啲屋有條紅布。唔知係咪藝術呢?