2020年11月11日星期三

上海小維也納 (上)

10月23再次去猶太博物館。因為好想睇呢個展覽。

打卡位,並唔係展品。
我係嚟到奧地利先知道猶太人曾逃難到上海嘅呢段歷史。。所以好有興趣知多啲。
有人帶埋碌嘢去上海,之後再拎番返嚟維也納。


猶太人帶返嚟嘅中式擺設。

寫時再資料搜集。Wiki話原來納粹管治期間猶太人因為移民原因喺可以離開歐洲的。當時澳洲,紐西蘭已經落咗閘。可以移民嘅地方只有中國同多明尼加共和國。

進入上海國際租界嘅許可證。

寄去中國嘅家書會先被納粹檢查。
當時去中國好似依家移民咁。喺中國嘅屋企人要證明佢哋喺中國有工作有收入先可申請其他屋企人團聚。
 猶太人喺維也納住宅被充公嘅通知。

移民中國攜帶物品清單。皮草同金器納粹黨唔批(紅筆畫走)。

其中一位移民帶嘅包包。

之後國民黨駐奧大使何鳳山狂批去中國嘅簽證,幫助猶太人逃離奧地利。

依家中國領事館外面有個紀念碑。

陸路去中國嘅行李牌, 車飛。
過境滿州國嘅簽證。
除咗陸路,亦有人會用海路。
船期表。會經過香港。
船飛。
船公司提供嘅上海city guide。
啤酒當然對新移民好重要。
初嚟步到多數人都先住呢間酒店。(酒店出嘅city map)。
嚟到上海當然要學中文啦(書,字典)。佢哋仲要學日文同英文。
同依家相似,新移民未必可以重操故業。所以佢哋會去讀再培訓。
住喺難民營嘅會有個證。
難民營紀錄嘅個人資料。
居住證。黃色橫條代表猶太人。
身份證。
當時嘅居住環境唔多好,好多人會病。(睇症卡)

有猶太人可以喺上海執業。呢封某某喺醫院嘅工作證明。


有啲人喺上海結婚。
有啲會發英文結婚證書。
收嘅中式結婚禮物。
小朋友嚟到上海當然要讀書啦。幼稚園校服。
證明合格嘅科目。
成績表。呢位讀咗好多科呢。語言有希伯來文,英文,法文,中文,日文。

19 則留言:

  1. 救命簽證 - 令我眼泛淚光。

    回覆刪除
  2. 回覆
    1. 我估好多都走咗。尤其三反五反嘅年代。

      刪除
  3. 這個展覽很值得細看!
    看得讓人傷感...

    回覆刪除
  4. 呢個時期嘅上海真正華洋共處,希望佢地50年代前就已經離開,唔係經歷三反五反,公私合營再文革抄家同納粹一樣

    回覆刪除
    回覆
    1. 上海佬都走嚟香港,邊有猶太人唔走啦。

      刪除
  5. 其實中國中央台“航拍中國“第三輯,
    介紹上海一輯已有介紹猶太人避難去上海,喺上海仲建有猶太廟宇,
    而你上述話移民入中國要入境簽證,但節目內提到入境中國的猶太人,
    中國政府是不需要他們特別申請居留

    回覆刪除
    回覆
    1. 唔對史實喎。呢個展覽有晒實物證明係要申請簽證。

      刪除

入咗嚟,不如寫幾隻字,留個言啦.