入籍奧地利

最近奧地利嘅反對黨批評奧地利入籍難。提議住滿六年就可申請（依家係十年），仲有提議奧地利出生嘅自動得到奧地利籍。

註＞奧地利時不時都會遣返啲土生土長嘅年輕人返原居地（奧地利唔批難民資格畀父母）, 而大受反對黨抨擊。

電視報導話奧地利係其中一個最難入籍嘅國家（好過保加利亞）。最易係紐西蘭，德國中間。

唔係奧地利籍嘅佔咗人口17%。

啲人喺奧地利住但係入唔到籍，即係冇投票權。佢地嘅聲音帶唔到去地方議會or國會。

土生土長兒童入籍好似話要證明佢大個咗會有固定收入。。。係嘅話，真係癲癲地。。 

咁奧地利人認唔認識奧地利呢？另一個電視台拎咗啲入籍試試題去考考路人。當然係有人識，有人唔識啦。

-----------------------------------------------

最近爆出負責入籍同居留嘅部門審批超慢。投訴政府部門嘅部門話接到500宗投訴個案，話可能只係冰山一角。有啲人怕投訴而會影響審批結果。

有個案（德國人）申請居留延期，但係個file 放咗半年都冇人理，之後又話唔見咗啲乜乜文件要後補（都幾似我經驗）。居留證過咗期就唔可以做嘢，唔可以申請福利。有個案話因為咁申請唔到奶粉錢。

員工又爆料電話查詢係唔會打得通。因為佢哋只會接來電顯示係內部嘅call。