Wachau Festspiele

 7月31  今年先知Wachau呢度有個夏季劇場。

呢晚嚟到Weißenkirchen 睇話劇。

冇時間喺個鎮四圍行。搵日嚟啦。

劇場喺一個好似小城堡嘅中庭。

劇目叫Meine Rosarote Hochzeit, 改編自法國嘅話劇 Le gai mariage (the gay marriage). 話係喺奧地利首次演繹。

場內歡迎拍照，但唔可以錄影。
故事講一位花花公子。女友無數。

佢有個親戚留咗個遺產畀佢。但係條件係佢要至少結婚一年。 期間會有人嚟突擊檢查。

佢有咁多女友，唔知同邊個結婚好喎。詳細睇吓個遺囑，冇話一定要係女人喎。。。。。咁就搵個老死扮基假結婚啦。

演員負責埋換佈景。

呢幕講佢哋嘅同居生活。

佢哋嘅婚姻仲上埋同志雜誌。

因為會有人突擊檢查，佢哋時不時扮基。

爸爸唔知佢哋結咗婚，有日上門。 老死以為佢係檢查員。發生好多笑料。

中場休息。

老死返到屋企。接到job，係去一個小朋友嘅生日會表演。於是入房換衫。。。

花花公子識咗個新女友。女友入屋前見佢信箱寫咗兩個人嘅名。姓係一樣嘅（西人結婚後，另一半會跟夫/妻姓）。唔通同其他女人結咗婚？花花公子解釋話佢同智障嘅細佬一齊住。

老死打扮好準備去開工。撞到呢位女友。女友就用BB話同佢溝通。超爆笑。

到呢度開始落雨。演出要突然腰斬，工作人員開始派雨衣。。我就決定走人，走時仲閃電添呀。

故事發展落去係點呢。我用英德法文去搵都搵唔到資料。YT搵到一個法文嘅video。當然聽唔明啦。

唯有有機會時再睇過啦。