話說上次種豆苗時,攞咗一粒放入泥. 唔經唔覺結咗豆喇。
呵呵呵,有新鮮青豆！！
唔知係咪心理作用呢? 啲豆好甜喎.
疫後為振興餐飲業, 市政府發嘅消費券收到喇。
佢只係普通平郵寄去你屋企。。。。所以新聞話有住宅大廈嘅信箱被爆。
因為一人有25歐, 家庭有50歐。不設找贖。所以搵咗屋企附近中價位，食過冇伏嘅去幫襯。
點咗個最貴嘅菇湯，食我呢間至愛嘅藍帶豬扒, 仲有食雪糕。飲杯嘢。用晒quota。
喺呢間我只點藍帶豬扒, 因為佢個底唔會有一堆油，浸淋個炸皮。
餡又唔會好多汁漏晒出嚟, 浸淋個皮。
個炸皮又唔會同啲肉分離。
以上三點都係同個皮有關. 係吖嘛, 浸淋晒我又使乜要你炸呢?
我做疫情重災嘅行業，當然係拍晒烏蠅啦. 所以公司攞多政府嘅人工資助多三個月. 到九月中我仍然工作每週四個鐘。
多咗咁多時間,睇書打發啦. 最近幫襯番十年冇幫襯嘅網店買漫畫。
我嘅日文level只係明小新。柯南有啲深。
最近奧地利本地汽水出咗大麻味.
好有大麻味但唔可以話好飲囉.唔會再買。
落埋王子私人肥更甜！
回覆刪除我都要卜卜脆。
我唔會試大麻味氣水，怕上癮。
係汽水。
刪除私人肥得閒射啲落去?
刪除唔會上癮㗎。啲令人上癮嘅物質已被抽走。
新鮮豌豆係好甜，超鐘意
回覆刪除芝扒想食
小新剛出時我即時沈迷咗，依家忘記哂
大麻味汽水可以頂癮
我呢邊冇新鮮嘅賣。
刪除小新漫畫我以前有買㗎。
唔上癮㗎呢啲。
大麻味係咪似煙味？
回覆刪除個味好特別，唔識形容。
刪除新鮮青豆係好甜架，可以生食。快快種多D。你哋就好啦，有消費卷派益市民。
回覆刪除愛上新鮮青豆。搵日去買種子。
刪除消費卷其實係市長嘅選舉工程。想人支持佢連任。
睇得明小新已經好叻架啦
回覆刪除半桶㗎咋.
刪除新鮮青豆好甜
回覆刪除愛上
刪除新鮮青豆我會食，但急凍的就唔食！
回覆刪除我冇乜印象食過新鮮青豆，唔知係咁好食.
刪除第一幅諗起Jack and the beanstalk https://www.youtube.com/watch?v=TbLYudckX6A 😆
回覆刪除你好犀利，識睇中英德日4種語言。
我最近都睇多咗動畫，係睇返啲好舊嘅作品好似偵探學園、美少女戰士、連勁多鹽花嘅橙路都睇埋，原來我鍾意親嘅作品都係屬於邪道動畫，喺咁低沈嘅情況之下，睇返啲少女或弱氣男動畫笑下。
哈哈,Jack and the beanstalk.
刪除半桶㗎咋.
我就睇番啲八十年代流行榜。
青豆,我最鍾意用來炒雞蛋呀!正!
回覆刪除未試過添。
刪除