Beethoven Pasqualatihaus

 10月6 呢日去嘅另一間博物館Beethoven Pasqualatihaus都係喺舊城區度。大家見嘅係維也納城牆所剩低嘅部份。

睇個名就知同貝多芬有關啦。棟大廈係喺18世紀起嘅。貝多芬當時住喺四樓。（棟大廈依家都係冇𨋢嘅。）

貝多芬喺呢度住咗八年。第4,5,7,8交響曲同歌劇Fidelio都係喺呢度創作。

博物館當然有有關嘅樂譜副本睇啦（我冇影）。

牆上大相係呢棟大廈嘅業主Josef Benedikt Baron Pasqualati。當時興用業主個姓嚟為棟大廈命名。

貝多芬嘅個人物品同埋唔屬於佢但佢有用過嘅樂譜架。

當時嘅牆畫。

窗外風景（維也納大學）。

博物館又係細細的。

貝多芬喺德國Bonn嘅阿爺。佢喺貝多芬三歲時已經過咗身。而呢幅油畫係喺1801年寄去維也納畀貝多芬。

而呢間博物館有個黑歷史。

當時納粹奧地利想整個貝多芬博物館，所以就趕走咗呢度上手嘅猶太人住戶。戶主夫婦最後死咗喺集中營。而啲小朋友就被送咗去英國。最後佢哋移民咗去美國。