2020年10月4日星期日

差啲食錯藥

歐洲係醫藥分家大家應該都知道。
早前老人家嘅我去睇醫生順便攞藥方。 疫情開始後藥方會email到指定藥房。親身喺醫生度都係冇實體藥方到你手。

最近呢個安排進化咗可以去全國任何藥房,唔使預先通知,只要你醫保卡opt in咗其他人可以睇到你病歷就可以。我就opt in咗,因為我覺得如果喺街暈咗,醫院嘅醫生可以即刻知我有乜暗病嘛。

另一個常見嘅情況係醫生開某牌子嘅藥,好多時藥房冇貨,問你其他牌子好唔好。

呢一日個藥劑師就畀咗兩盒唔熟識包裝嘅藥過我,我以為係換咗牌子定包裝,而個藥劑師服務唔好,冇話我知啫。

但係其中一盒個名好似未見過(我唔記得我啲藥名的),咁我就問個藥劑師啦。佢話係胃藥嚟。。。。我冇食開胃藥個喎。唔知係咪醫生度個reception寫錯藥畀我呢?因為我唔知自己食乜藥,唯有返屋企對吓啲舊藥啦。

一睇,兩盒都唔係我要嘅。想send email向醫生投訴之際,忽然見收條上嘅保險號碼唔係我嘅!!

藥劑師執錯藥!當然返去換藥啦。藥劑師話佢明明係key咗我個號碼㗎。

我懷疑個系統唔係100% search個保險號碼,只係彈個類似編號嘅藥方出嚟,而個藥劑師又冇再double check。
 

註>一盒藥(30粒)自付費係6.30歐。

22 則留言:

  1. 如果錯吃了,就大件事!

    回覆刪除
  2. 香港配藥員跟程序會叫你讀番自己,確定名字正確才派藥。

    平時都會打錯電話,一定係佢輸入錯個號碼,下次要靠自己對吓保險編號。

    回覆刪除
    回覆
    1. 我諗又冇奶油啱咁有嗰個保險號碼囉.

      刪除
    2. 應該好多出錯,為保險計,輸入手機電話簿。

      刪除
  3. 我地都有類似 system, 不過我地無 opt in

    回覆刪除
  4. 我哋攞藥,執藥的junior要問病人對多次DOB,地址,再要多一個藥劑師簽名。雖然都有會機會出錯,但機會微D。

    回覆刪除
    回覆
    1. 以前每人拎張單,serve完一個先一個。可能未有對資料嘅習慣。

      刪除
  5. 真係自己都要小心些,
    樣樣check 下,
    安全些!
    尤其是食入口的。。。

    回覆刪除
  6. 當面即場核對是常識吧,不過你咁低低地係唔識架啦,乜你有咁多暗病架

    回覆刪除
    回覆
    1. 老人家好多病痛,唔記得自己有乜嘢藥嘛。

      刪除
  7. 保重呀,現在香港有醫健通系統,只要得到病人同意,
    就可查閱病人病歴食開咩藥等,簡便快捷~~

    回覆刪除
    回覆
    1. 原來香港依家都有類似嘅系統。

      刪除
  8. 鬼鬼做嘢差不多了~😆

    回覆刪除

入咗嚟,不如寫幾隻字,留個言啦.