鮭魚雞蛋小黃瓜拌壽司

日劇都已經有幾年冇睇。Blog友早前介紹一齣日劇，想網上搵嚟睇吓啦，但係全部只節錄煮嘢嗰部份。第一個見呢個超易，就整佢啦。

https://www.youtube.com/watch?v=r5bH04SzGAk

煮熟飯後落壽司醋，撈好備用。

蛋用麻油炒碎備用。

青瓜切片，落鹽醃醃，然後揸乾水備用。

三文魚我唔食熟嘅，咁就用煙三文魚切碎。

所有材料加多多芝麻撈埋就食得。

 簡單。慳咗捲紫菜嘅步驟。

Btw, 搵唔到劇嚟睇，但就搵到漫畫版。佢畫工OK。但最唔吸引就係煮飯嗰部份，可能黑白，點畫得靚都唔及彩色吸引。