男人除

早早前喺廉價超市特價區（通常係賣唔出，想散貨）見有一盒男人嘢。好奇又貪新鮮嘅我當然拎嚟睇吓啦。 

洗衣膠囊又關男人事？？？於是買咗睇吓有乜咁特別（其實人哋細細隻字寫咗，我老花睇唔到）。

洗完啲衫一陣香香男人除㗎（男士香水味）。我like喎。

有女士嘅家庭就應該唔會分開男女衣服去洗。我覺得如果佢做啲推廣應該可攻佔單身狗市場。

最近又見同一系列嘅產品。即買嚟試啦。

抺嘢嘅濕紙巾（唔係人體用），洗潔精，浴室清潔劑。

洗潔精洗碗時係幾香男人味囉。

浴室清潔劑洗嗰時因為個味好濃，好化學味。但係之後個浴室就好香。好似有個男人匿埋咗喺浴室度,kakakak。