繼續封

原先封城係至到24號，可惜封城冇乜成效，每日新確診仍然過千。又見變種病毒開始喺奧地利漫延。所以政府宣佈延長封城至2月7. 餐廳，酒店要到三月先准開.

報道講新驗到陽性帶菌者中, 17%都係英國變種病毒（呢度啲報紙乜將病毒污名化㗎！）。

而社交距離由一米變兩米.即係話舖頭唔可以有咁多客喇。

而25號開始, 規定去密封嘅公眾地方（超市，藥房，公交等）都要戴FFP2 (N95)口罩。

據報道話FFP2 (N95)口罩要兩歐至八歐一個.  超市唔會免費提供。相信應該會賣斷貨。

見廣告買十送十只係29.99歐。都唔知有冇呃人嘅。

學校繼續home schooling，同時強烈勸喻上班族home office（唔知我個supervisor聽唔聽到）。

其實呢度啲教育心理學家一直爭取學校恢復面授課。話home schooling對學童有乜乜乜影響。

當然亦有人反對封城啦,最近維也納就有一萬人示威。