女士佳音

今日嘅話題由我呢位麻甩嚟介紹。

早前蘇格蘭通過咗生理期用品免費供應法。

雖然奧地利未有咁前衛，但係今年開始生理期用品減税（由20%減到10%）。價錢有冇平到呢？呢個我冇買過答唔到你。

生理期用品指每月用嗰啲。每日用嘅護墊係唔包嗰喎。

有議員最近動議呢啲都應該要減稅（由女議員動議，算唔算利益輸送？）。

而本地某連鎖藥妝店就免費提供自家品牌嘅棉條同有翼巾畀顧客同員工。

註＞

• 奧地利藥妝店極少會見有男員工。
   
• 藥妝店係冇藥賣嘅。