魚蛋都有好幾年冇食過喇。喺呢邊我會買包裝嘅泰國貨。
突然想食魚蛋係因為睇咗下面個video。極少用嘅醬都特登買埋。係咪好有誠意呢.
https://www.youtube.com/watch?v=FSl_w_jGouM
兩個蒜頭切蓉（睇video佢好似只係落咗一半），約等量乾蔥蓉。
五六湯匙花椒油細火炒香乾蔥至焦黃。然後加蒜蓉，
辣椒絲繼續不斷炒至金黃。再落
一湯匙咖喱，一湯匙沙茶醬，一茶匙豆瓣醬，一茶匙柱候醬，不停撈。然後轉大火，饌酒，落
一碗雞湯。再落
兩湯匙蠔油，一湯匙生抽，一茶匙老抽，兩茶匙糖。最後埋芡。
係街邊魚蛋檔咖哩汁個味呀。煮咗一大碗。剩咗嘅未知用嚟食乜好.
誠意之作，佩服！
回覆刪除為咗幾粒嘢，特登買材料整個汁，真係好有誠意。
刪除又係咁多種類醬料，用剩冇地方放。
回覆刪除呢個係我依家嘅煩惱。
刪除買魷魚再整個咖哩魷魚😋
回覆刪除想整發水嗰款，但係買材料有難度。
刪除又係你師傅?
回覆刪除係佢啦，唔會伏嘛。
刪除香料令人走出平凡，過住變幻多端精采絕侖嘅人生。
回覆刪除仲加埋竹籤仿照到咁足，老闆呢串少咗兩粒喎！
我都唔係好記得應該一串有幾多粒。
刪除我未買到靚的炸魚蛋，買到會整架
回覆刪除我都有用炸魚蛋點過黎食，好似會索得多汁啲。
刪除似模似樣！
回覆刪除真系好似去“掃街”的魚蛋！
:p
可以止癮。
刪除早幾日打邊爐，買到＂懷舊陳皮魚蛋＂就係街邊食d咖哩魚蛋，細細粒果隻，好正
回覆刪除我記得中學年代學校門口有啲好細粒嘅魚蛋賣（我冇食過），唔知係咪你講嗰種。
刪除簡直誠意爆棚XD
回覆刪除最簡單用嚟撈公仔麵,或者煮蘿蔔:P
好，下次用嚟撈公仔麵
刪除嘩!正喎, 但係你煮D咁濃味既野 鬼鬼鄰居不投訴你咩?
回覆刪除和出前XX一齊食, 正呀.
又或者加蘿蔔..好味.
冬天閂咗窗，聞唔到啦。
刪除下次用嚟撈麵食.