積分換禮品

維也納普通超市只有兩個集團，廉價超市亦只係得兩個集團。

兩間普通超市都有儲印花嚟吸客。

一間係用貼紙印花, 但係要再加錢先換到。另一間要登記做超市之友，購物有現金回贈之外，仲有印花免費換嘢。現金回贈係買滿一歐有一分，每一百分可兌換一歐。我已經換過17歐㗎喇。

印花免費換嘢呢期係playmobil. 十歐消費有一分，滿十分就有禮物㗎喇。可能封城啲錢無埞使，今次終於第一次喺呢間超市儲夠分, 攞件玩具返屋企。

黑色警察。

揀佢因為其他選擇好妹妹仔。

原來價值5,99歐㗎。

儲夠分最大原因係買多咗雪糕食。好似最近就出咗金沙同雪沙雪糕。特價4歐一盒（一盒四支脆皮）。個人覺得雪沙好食啲。