薑蔥蠔

蠔除咗日式咁炸嚟食之外，我就唔知點煮。當見呢個薑蔥蠔，即刻去買一包急凍蠔試試。

https://www.youtube.com/watch?v=zSViwXnkqn8

 

8 隻生蠔（我用咗半包韓國超市嘅急凍貨），兩紮蔥（西人蔥我用半紮）切段(分開蔥白同蔥綠)，適量薑（指公長度啦）切片 

汁＞一湯匙豉油，一湯匙蠔油，半茶匙糖，一茶匙水，撈好，備用。

蠔放鹽水，抓抓，浸五分鐘，然後隔水。

用生粉撈撈啲蠔，然後用水沖乾淨，印乾。

煲滾啲水，熄火，放入蠔，浸一分鐘，隔水，印乾，待涼後上粉。

落油煎香啲薑，盛起，備用。同一隻鑊先轉細火，放蠔。然後轉大火每面煎三十秒，盛起備用。

再同一隻鑊，落蔥白，薑細火炒香。然後饌酒，落汁。加入蠔，蔥綠大火炒熟。最後落幾滴麻油。

跟佢咁煮真係冇出水，好味好味，送飯一流。