久違舊城中心

4月30未解封之前去咗市中心舊城行一轉。 呢度已經成年冇嚟過。

當時去指定人多聚集嘅廣場要戴口罩。

有警察執法。但係唔係巡查喎，係經過佢啲人先會勸喻。我行過個廣場目測都已經見好多人都冇戴。

主要係想去大教堂。門口可以睇到入面有幾多人。

從未見過教堂咁吉。

入面有個裝置藝術。

視覺上感覺到係申咗出去。名副其實係天梯。

呢個舊年已經擺咗喺教堂旁邊。但係我唔明乜意思。

最後行到維也納地鐵其中一個大站。但係唔知啲舖位係租唔出定唔想租，依家用咗嚟放藝術品。而呢個係好少有我睇得明嘅。

左邊係一棟教育局，右邊係維也納大學。教育局大樓嗰邊有條油管申向大學，仲滴黑咗間大學添。諷刺政府影響大學運作。如果喺香港擺，可能要改用紅油。