2021年8月3日星期二

再睇劇

放假做乜唔留多幾日喺德國呢?因為要返奧地利睇劇囉。

7月30 返到維也納。同日就要去Baden呢個夏季劇場Sommerarena。

劇場特別之處係有個玻璃天幕。
首先有一個記招。因為環保,資料都放咗上網。而唯一一張嘅紙係食得嘅。用天然色素喺奧地利印刷。

之前可能呢度落過雨。天幕閂咗。依家好天,即時表演開幕。
 
 白色嗰部份慢慢申咗出嚟。

然後拖個天幕返嚟。

 
之後就等睇呢齣輕歌劇Eva。

場刊寫明冇中場休息。唔通係防疫措施,唔想啲人群聚吹水?

另一特別之處係兩邊包廂都坐咗管樂手。唔通要社交距離?

劇情係工廠太子爺接手咗佢家族生意,見到個廠花就一見鍾情。

演員係冇用咪㗎。夠中氣。


24 則留言:

  1. 你食咗張紙?同白兔糖衣紙一樣係無味道?

    老土粵語殘劇橋段,陳寶珠、蕭芳芳係廠花,謝賢係太子爺。

    回覆刪除
    回覆
    1. 威化紙嚟嘅。冇味㗎。
      我同你係咪有代溝,我唔睇粵語殘片㗎。

      刪除
    2. 上古年代嘅 如來神掌 我睇咗好多次都唔悶,特別係悠長暑假。

      刪除
    3. 嗰啲飛嚟飛去嘅武俠片特別唔鍾意睇。

      刪除
  2. 套劇劇情好似香港以前的粵語長片。

    回覆刪除
    回覆
    1. 應該係粵語殘片抄襲啦。呢個故事1911年首演㗎喇。

      刪除
  3. 我都想問你食咗張紙?乜嘢味道?

    回覆刪除
  4. 個天幕是舊劇場新加建?

    回覆刪除
  5. 劇情證明當地人和港人口味唔同...港人受歡迎的劇目係:大叔的愛電視版!!!

    回覆刪除
    回覆
    1. 大叔的愛見香港咁hit,我依家都追嚟睇。

      刪除
  6. 記得有茶樓張點心紙都係食得威化紙

    回覆刪除
  7. 故事橋段舊沒所謂,唱與演最緊要好!

    回覆刪除
  8. 嘩!你竟然在咁疫情下也夠膽吃左張紙...勇敢呀.

    回覆刪除

入咗嚟,不如寫幾隻字,留個言啦.