烏克蘭難民

我覺得俄烏戰爭，最早逃離嘅係啲有錢人。

其實戰爭開始，維也納（起碼喺我呢區）多咗烏克蘭嘅私家車。

但係有啲可能唔識德文，四處違泊。好似呢架咁，冇畀錢泊車，收咗牛肉乾喇。（外國人喺維也納會好易中招的。話說維也納泊街邊要收費，最近仲改咗同一地點最多兩個鐘。但係街上係冇停車咪錶個喎。外國人又點知去邊度畀錢呢。）

見過有好心人會寫張英文便條話畀車主知呢處唔泊得車。

另外負責俄語地區市場嘅同事話我知，佢個客嘅客逃難嚟咗維也納。客戶叫佢幫忙送個慰問籃。。。地址係一間別墅，慰問籃一個150歐，仲要送兩個。
 

有錢嘅難民。。。。。@@ 

當然大部份嘅難民係乜都冇，需要國際援助啦。