晚宴

因為疫情，維也納歡迎2020年同2021年上半年嘅新奧地利人嘅晚宴喺5月17先搞。地點city hall。

 邀請函冇話有嘢食。。。。

原來係坐得唔自在嘅一圍圍。。。最怕要同啲三唔識七嘅人吹水。
小禮物係面前隻mug。

筵開唔知幾多席。據講呢晚有三百幾位新奧地利人連同家屬出席。

 跟據自己所住嘅區就座。座上會有一位區務主任（我譯）方便將來聯繫，改善區政。

全體起立，奏國歌同歐盟國歌之後就到市長致詞。

然後輪住每一區出嚟拍照留念。由此可以知道維也納邊個區最多新奧地利人。

第一區（市中心舊城區）得一位。可以理解，維也納最貴嘅地區嘛, 唔係咁多人住得起。

晚餐buffet 形式。咁多人食buffet，聽見都怕。唔係怕冇晒嘢食（呢啲活動一定夠食），係怕排隊啫。

我出席慣呢啲場合，經驗豐富，知道邊個位置少人排，好快就攞到食物。食物係啲好普通嘅奧地利菜。

同枱有一位女士話太多人排隊喇。我話佢知另一面冇乜人排。佢可能以為我打尖啦，佢依然走去排多人嘅一面。我食完甜品佢都未攞到嘢食返嚟。真係不聽老人言，吃虧在眼前。