2021年5月20日星期四

解封

噚日奧地利解封喇(每日新確診仍然有900宗)。餐廳,酒店,尖,劇場, 泳池終於可以開喇。餐廳只可以開到夜晚十點。咁即係話disco同bar仲未可以開。

餐廳室內一枱只可以坐四個人,戶外可以十個。

入去以上場所,需要有奧地利版嘅健康碼 (暫時未有電子版)。

乜嘢人會得到健康碼呢?

陰性檢測結果> 

PCR Test(健康碼有效72小時),Antigen Test(健康碼有效48小時),自己喺屋企撩鼻(健康碼有效24小時), 現場撩鼻(只喺現場有效)

自己喺屋企撩鼻都幾複雜吓。你之前要喺檢測中心做過一次檢測(身份已經核實)。然後喺藥房免費攞檢測工具。登入官網攞一個code然後mark喺檢測工具上。檢測結果要影相upload上官網。之後就會收到證明。

中咗招但痊癒>

過去六個月痊癒。

接種咗疫苗>

打第一針廿二日後(健康碼有效9 個月)。 

奧地利人由細都會有針卡。如果唔見咗,原先話要家庭醫生出證明。(我個情況>我唔係喺奧地利大,所以冇針卡。而打第一針時醫生expect之後會有電子針卡,所以冇畀紙嘅版本過我。證明點出呢?醫生未有指示點做。)

而今日新鮮熱辣嘅新聞話藥房可以幫人印番張針卡。

 於是去藥房問吓。好easy咁就畀到我。 

另外喺餐廳停留15分鐘以上要scan奧地利版嘅安心出行。 

電子版嘅健康碼話就話兩個禮拜後推出。依家國會正辯論點保障私隱。

20 則留言:

  1. 我呢度都話係第三階段解封

    回覆刪除
  2. 回覆
    1. 如果出咗電子版健康碼應該簡單好多。

      刪除
  3. 電子醫健通16年開始,主要針對長者病歷記錄互通,去政府認可私家醫生睇病減輕政府負荷,一年好似資助十次以長者政府門診$45睇就近嘅私家醫生。

    另外,長者每年都有$2000醫療券。

    打完針即印張針紙畀你。你可以自由選擇參加醫健通。

    我中伏剛過14日,依家有9成幾免疫。

    早幾周前電視訪問去食店掃針紙碼就得,反而電子碼掃唔到,唔知呢個bug修正未呢?

    我放咗張針紙喺出街袋備用。

    回覆刪除
    回覆
    1. 我呢邊嘅強制醫保卡如果opt-in咗病歷係互通。
      張針紙依家要時時袋住,可能突然想去餐廳坐坐嘛。

      刪除
  4. 檢測中心點解唔派埋工具又要再去藥房攞,梗係要搞咁多嘢

    回覆刪除
  5. 可以出街食吓飯,做吓運動係好事,但防疫仍不能掉以輕心!

    回覆刪除
  6. 真係希望可以大家也早日回復正常啦,爆完又封,封完又放,循環不息好厭倦,唉!

    回覆刪除
  7. 馬拉都系封完放又封,近呢幾日都創新高,日日6千幾,認真刺激~
    所謂嘅封城除咗唔俾人出埠,商業同食肆營業時間縮短之外,無其他改變。
    d人呢頭話驚,個頭就去群聚... 我周不時都講,病毒唔可怕,可怕嘅系人。

    回覆刪除
    回覆
    1. 講得冇錯,最難控制就係啲人。

      刪除

入咗嚟,不如寫幾隻字,留個言啦.