2022年5月15日星期日

疑似黑店

早前喺屋企附近嘅牙醫中心做例行檢查(醫保包)。

背景資料>我左右兩邊最後嘅大牙因為杜牙根後隻牙裂咗,所以剝咗。

(網上圖片,同以下嘅醫生無關。)

醫生>你啲牙好好吖。只係後面隻牙要換咗啲填充物。另外你合埋口後面會有個窿。我建議你造番植牙,等上面隻牙有承托,唔會慢慢跌落嚟。 同時建議你洗牙啦。洗牙同補填充物可以同時做。
我>植牙醫保唔包個何?
醫生>唔包㗎。一隻牙2000歐。洗牙120歐。補牙睇你乜物料啦。
我>白色。
醫生>65歐。
我>你唔可以依家補填充物先咩?
醫生>洗乾淨先補得。
我>咁我諗吓先。
醫生>我可以依家同你book洗牙喎。
我>我冇帶schedule嚟。唔知邊日得閒。你哋預約都好易啫,打個電話就得。我之後約啦。
醫生>係呀。我哋預約好方便㗎。

我嚟呢間因為近屋企。而我去開嗰間畀我嘅時間通常都係晨咁早七點。

以前嘅牙醫都冇講過話啲牙冇承托會跌落嚟。同埋以前冇洗牙都同我補牙啦。而呢度洗牙比以前貴一倍。 

以上種種原因,我覺得呢度係黑店。大家點睇呢?

 

 


20 則留言:

  1. 植牙首先要睇吓d牙肉夠唔夠強先做得,有d人牙肉萎縮就唔得,補牙係唔需要一定洗完先補,呢間可以唔使再去

    回覆刪除
  2. 好少補牙係要先洗牙架噃

    回覆刪除
  3. 回覆
    1. 貴係預咗。奧地利人通常會去匈牙利整牙。

      刪除
  4. 啲牙冇承托會跌落嚟係真㗎,會長啲但唔會甩嘅。補牙係要幫個窿洗乾淨先,但就唔係收錢洗牙個種。

    回覆刪除
  5. 牙醫頭上一把刀,整牙流到『一頸血』。要出埋下集相熟舖頭大結局。

    你想減少一年只洗牙一次,牙醫會畀面色你睇,因每年收入減半喎!

    自私自利。葉倩文杜德偉合唱『信自己』

    回覆刪除
  6. 我覺得聽落都合理,補牙前都要確保口腔乾淨,如果未洗牙口腔都存有細菌,到時冇幾耐又要再補...反而貴少少不是問題,最重要睇牙醫的技術掂唔掂......

    回覆刪除
    回覆
    1. 都有道理,最重要係技術得唔得。

      刪除
  7. 通常補牙前, 並不須要先洗牙!

    因為兩者的治療完全不相關啊 !
    分明 hard sell 喎 !

    回覆刪除
    回覆
    1. 係囉,我之前補牙都唔使洗咗先。所以覺得佢好hard sell。

      刪除
  8. 好似有啲Hard sell,但又好似有啲道理

    回覆刪除
  9. 洗呀超貴呀!唔通你個口食得好野多好污穢,哈哈哈!
    歐洲D牙醫咁早開門?7點? 真係好早喎,咁下午係咪小休好長時間?定好早收工?

    回覆刪除
    回覆
    1. 咁早開可能係就啲返工嘅人卦。

      刪除

入咗嚟,不如寫幾隻字,留個言啦.