24小時超市

24小時超市香港人唔陌生啦。但係對奧地利人嚟講就係新鮮事（呢度超市一至五8pm閂，星期六收6pm，星期日休息）。 

最近喺維也納開咗一間。咁就去朝聖。

點解佢可以開24小時？因為全店都係自販機（日本呢啲舖大把啦） 。

每個雪櫃都係同一類型嘅貨品。而每個雪櫃都有個號碼。

揀嘢，畀錢都要喺終端機處理。部機仲可以買bitcoin。價錢只喺終端機標示。買嘢要揀咗邊個雪櫃先, 再揀貨。

大部份貨品平時超市少見嘅。例如有鱷魚肉。

和牛。

未見過嘅白酒種類。想睇吓幾錢啦，但係終端機冇得揀呢個雪櫃。唔知係咪要scan咗身分證先得。

一櫃嘅大麻產品。

玩具都有。小朋友會唔會問嗰啲咁大碌嘅係點玩嘅呢？？

畀錢後點出貨我就冇試嘞，因為啲嘢都幾貴。例如一罐新奇士果汁（普通超市冇賣）要兩歐。

個人評語＞我覺得佢開錯地點。因為舖頭所在位置係啲基層地區。未必有咁多客。