Urban gardening

Urban gardening我相信潮流未過嘅。但係住喺城市，冇露台，冇花園又點種呢？

 

維也納街邊啲樹嘅底下係可以申請嚟種嘢㗎。

只要記低係邊棵樹（每棵樹都會有個號碼），問吓市政府嗰個位可唔可以種。可以嘅話，簽約就得㗎喇。費用全免。

有關部門會提供種花貼士，種花嘅種類（因為有啲位可能長期喺陰影下），仲可以喺垃圾處理部門免費攞有機垃圾轉化成嘅肥料。

要注意嘅係唔可以種有毒嘅，攀爬嘅植物。仲有唔好高過一米，因為會影響泊喺街邊嘅車。

而你個位置係有個牌畀你寫係你打理。你要定時淋花啦。去旅行唔喺度就要搵人幫你喇。