某日喺某德國電視劇中提及漢堡嘅 Labskaus。 即刻google係乜嚟啦。原來係肉醬薯蓉。係德國北部嘅傳統菜。
https://www.youtube.com/watch?v=fSVHpG_LVZ4
二人份量（其實夠四個人食有凸）＞
一個洋蔥切粒炒香，落一罐鹹牛肉炒鬆。加入50g 紅菜頭碎，50g 酸瓜碎。然後混入700g 薯蓉。落少少紅菜頭汁，搞掂。
上碟時配上酸瓜，紅菜頭，生鯡魚, 太陽蛋。
話說呢個菜有幾派煮法。一派唔用罐頭，煲牛肉絞碎。另一派會加入生鯡魚碎喺薯蓉度。我當然係走咗魚啦。
呢道咁簡單嘅菜估佢唔到原來係好好味。
可以夾麵包整經典港式茶餐廳牛蛋治或者撈麵都啱。
回覆刪除薯蓉再配麵包，麵？？咁多碳水化合物？
刪除鹹牛肉, 我通常整三文治, 或者炒薯仔粒粒, 都係我自己一個人食至整
回覆刪除我通常會係奄列夾多士。
刪除德國人都會鍾意食鹹牛肉？我都係依家先知。
回覆刪除我估只係德國北部。
刪除個樣。。。好似麻麻地。。咁！
回覆刪除好味㗎。
刪除又食嘔吐物
回覆刪除你侮辱人哋嘅傳統菜喇。
刪除鹹牛肉配炒蛋先係最正架..哈哈!
回覆刪除同意.
刪除我好耐冇食咸牛肉啦
回覆刪除我耐唔耐都食。
刪除你鍾意鹹牛肉蛋治嗎?
回覆刪除鹹牛肉蛋走咗治就鍾意。
刪除牛肉...我麻麻.
回覆刪除咁你試吓用午餐肉試吓。好食嘅記得話我知喎。
刪除