詭異事件簿

早前發生咗詭異事件，到依家疑團都未解開。

（模擬相片）

話說有日出街,一開門，見門口有對鞋（如圖咁放咗喺度）。心諗可能對面嗰位除咗鞋唔記得拎入屋。又有鄰居經過以為係我嘅，所以好整齊咁擺我呢邊。

於是我就放番對鞋過對面啦。

去完街返嚟，對面屋將對鞋拎開咗，放佢門口旁邊。咁即係唔係佢㗎啦。咁我就拎咗對鞋放喺𨋢口。

隔咗幾日，對鞋都仲喺度喎。咁又即係唔係呢層樓嘅人㗎啦。最後我拎咗去垃圾房，可能清潔工啱使會攞走。

但係就好唔明點解對鞋會喺我門口囉。