古力工場直賣店

Manner係維也納歷史悠久嘅古力品牌，佢個廠房位於維也納市。呢度有間直賣店 Manner Shop Werkverkauf ，我嚟咗咁多年一直都想去睇吓。最近終於起行。

目測廠房有兩棟大樓，相中係直銷店所在嘅一棟。

貨品琳瑯滿目，好多超市都冇賣（可能唔想畀上架費啦）。

懷舊包裝。

復活節前好多蛋賣。

呢間同佢其他專門店最大分別係有次貨賣。

古力餅1kg 四歐咋。但係太大包，我冇買。

仲有其他古力次貨。

買咗廿歐多啲啲。嚟呢日因為係復活節封城之前，可能想送走晒啲復活節包裝嘅嘢。佢送咗右上角兔仔包裝嘅威化餅畀我 (零售價2.89歐)。啊啊啊! 

呢個品牌嘅莫札特朱古力我未買過。咁買咗呢款白古力嘅次貨試試 (500g 四歐)。我估應該係唔夠圓。

註＞走嗰時先見店內係不准拍攝。