Gin Tonic

我間唔中喺屋企都飲gin tonic嘅。但完全唔知有for gin tonic嘅香料。

見超市廣告，即刻想買嚟試吓。（貪新鮮嘅人，好易賺佢哋啲錢）

見到實物。。。。有啲香料我屋企都有喎。最後決定唔買（理智消費者）。

芫荽籽，杜松子 juniper berries，荳蔻 （我有）。 紅胡椒，洛神花（我冇）

包裝指示話落少少喺gin tonic度，浸吓就可以提升味道。

某日超市居然有糖水浸嘅洛神花。一樽八朵，5歐。 試咗。 覺得冇特別。

其餘三種香料我都試咗。覺得最好味係落荳蔻。

我會將荳蔻剪開，用酒浸佢幾個鐘先倒tonic water落去。

另外喺另一間超市見gin酒嘅禮盒裝，包裝教人可以:

肉桂 + 八角。鍾意呢個味嘅會覺得好好飲。

薰衣草 + 龍眼/ 荔枝. 呢個味道冇特別，但係聞就幾香。

酒嘅份量隨個人喜歡啦。但我都google過嘅。大約40ml gin: 250ml tonic water。