賞櫻

樓下嘅櫻花滿開。喺多瑙河人工島上嘅桜の森應該都開咗花喇卦。於是4月24去行吓。

經過一個對抗拿破崙入侵嘅軍人嘅紀念碑。

過咗條橋就係人工島㗎喇。

 一排粉紅色，真係開咗囉喎。

所在嘅位置係喺天體區內(德文FKK)。

呢朝咁好太陽，其實得11度㗎咋。當然唔會有光豬啦。

呢度都有好幾年冇嚟。樹多咗又大咗。

順便講吓, 呢度沿河都有燒烤爐。但係唔似香港咁要擺爐。

而係要網上預約。手續費10歐一次。

地下有德，英，土，仲有一種唔知乜語言嘅提示要做預約。