𠺘口檢測

維也納政府喺3月26開始提供另一款免費病毒測試渠道。我覺得可能會準確啲，因為要交去化驗所的。

首先要喺官網度單撈個吧曲。

然後喺呢間藥妝店最多免費攞四盒檢測工具。 （原來係五歐一盒）

紙盒裝住。

Made in Austria

入面有說明書，膠袋，鹽水，試管，飲管，護墊。

因為呢個檢測係官方認證可以拎去髮型屋之類嘅冇病證明。所以要喺化驗所嘅網頁登記，成個檢測過程要喺webcam前面做。

首先要喺webcam前show你個身份證同pack嘢嘅serial number。然後用鹽水𠺘口一分鐘（鹹過我煲嘅湯）。之後用飲管𦧲啲鹽水落去樽試管度。

封好，包好。裝返入盒。

交去呢間藥妝店所屬集團嘅超市或藥妝店嘅收集箱。如果喺朝早九點前交，24小時內會電郵通知檢測結果。而檢測結果由做檢測嗰刻開始72小時有效。

我因為過咗佢當日收樣本嘅時間，所以等咗超過24小時先有結果。（化驗所網頁係多國語言）

另外一個電郵畀你單撈正式嘅化驗報告（有德文同英文）。

報告上有你登記嘅名，地址，出生日期，性別，醫保號碼，做咗邊種檢測，檢測結果。

因為我係無證人士（會另開一篇講），所以只用咗電郵登記, 檢測過程唔使開cam。

而檢測結果唔可以拎去飛髮用（但係我個報告有齊啲資料個喎）。