買物

最近睇報紙知道德國哈瑞寶橡皮糖出咗新嘢，係聯乘奧地利本土汽水Almdudler.

 

橡皮糖得兩個樣嘅啫。支裝係汽水味（都幾似）. 另一個就係汽水logo嘅男女。係raspberry + elderflower味。

睇個包裝，好似係made in Austria。唔係德國貨？！！

咁唔知香港會唔會有得賣呢？因為睇香港官網話香港賣嘅橡皮糖都係德國入口。

因英國變種病毒, 歐洲大陸對英國封關。睇報導英國民眾因擔心冇食物進口，都去超市盲搶。

初初覺得事不關己。但係諗諗吓英國貨咪一樣嚟唔到歐洲大陸。嘩！第日(12月23)即刻去英國超市入貨啦。

從未見過呢間超市仔咁多人。不停都有客出出入入。仲要排隊畀錢。真係未試過。 

有人問收銀乜咁多人吖。收銀話啲人怕冇貨返（我咪係囉）。我只係買咗啲我一定要嘅嘢啫。

另外呢日去咗藥房, 用咗12.50歐買咗呢袋仔嘢。

快速病毒測試。因為聖誕有兩個聚會，去之前自己check吓都好。pack嘢又唔算太貴。

撩鼻呢隻原本只喺賣畀醫護。但係呃佢話屋企人係做護士㗎，咁藥房就賣咗畀我喇（邊個唔想做生意）。

再喺yt搵埋自我檢測嘅教學video。準備好，插！ 

條嘢插到插唔入為止。再轉五下。然後條嘢浸落個樽仔度，轉五下。滴三滴出嚟驗。等十至廿分鐘就有結果（其實5分鐘已經見到條線）。

結果係陰性。但係呢set嘢係made in China。準唔準嘅呢？

其實都幾易用吖，點解唔賣畀普通人呢？