椰汁焗葡國雞

冇特登搵但見超市有黃薑粉賣，咁買定先啦。有咗黃薑粉，就想整葡國雞。

https://www.youtube.com/watch?v=yNtkyqH2UPk

參考份量＞半個洋蔥切件，一個細薯仔去皮切件，一條蘿蔔切件，一茶匙蒜蓉，一隻大雞髀切件。一湯匙麵粉, 一湯匙黃薑粉，少少咖喱醬（我用西人咖喱粉）, 適量椰奶，適量淡奶，適量椰絲.

薯仔，蘿蔔烚熟備用。

雞件印乾水，用胡椒，鹽，粟粉醃醃。細火煎煎兩面，落洋蔥，蒜蓉炒香, 饌酒。加一湯匙麵粉續炒。然後加湯。湯未滾時落黃薑粉，咖喱粉。
煮至杰身後落少少糖，薯仔，蘿蔔, 椰奶，淡奶，椰絲。轉到焗盆，面頭灑上椰絲。入200度爐焗至金黃。

好味呀！