提子卷

仲有cream剩，即刻去買多pack牛角包皮整提子卷。

牛角包皮我用現成。準備200g 提子乾。

Cream (味道似奶黃）> 250ml 奶，糖+雲呢拿糖total 50g，兩隻蛋，25g 粟粉。奶加一半糖煲滾。餘下嘅糖，粟粉，蛋打好。落少少滾奶撈撈。然後倒入嗰煲奶度。慢火煮至杰身。待涼後雪一個鐘。

掃面蛋液＞一隻蛋，3g 奶，少少鹽。

(以上份量整一半就夠我嘅現成皮嘅size。)

如圖舖好餡料，掃上蛋液焗。出爐後即掃上糖水（25g 糖，25g 水）等佢令令。

好食呢個。