雞絲豆乾

見雞胸特價。懶蟲上身，買啦（買全雞自己起肉平約兩毆1kg ）。

想煮中菜但係唔知煮乜好。揭揭本中式食譜，整呢個啦。

雞絲（我切件），兩茶匙薑絲，一茶匙蒜蓉，木耳切條（我冇買），煙豆腐切條（我切件），一條細紅甜椒，一茶匙蔥花，雞湯。

汁料＞兩茶匙糖，一茶匙豆瓣醬，一茶匙生抽，一茶匙陳醋，一茶匙粟粉，一湯匙水。撈好，備用。

醃雞＞一湯匙豉油，一茶匙粟粉，一茶匙紹酒，一茶匙油。

雞肉炒熟備用。 

爆香蒜蓉薑絲，落紅椒，豆腐，木耳炒多兩分鐘，然後加雞湯煮滾。雞肉回鑊，落汁料，煮多約一分鐘。最後落蔥花。

好味噃。