2020年12月22日星期二

nhm 自然史博物館

12月14 呢日去咗自然史博物館睇一個特別展。係關於最佳食用日期嘅。

大堂個展品垃圾桶可能啲人以為真係for垃圾,所以有個臨時手寫嘅告示叫人不可在此拋棄垃圾。

上面呢一層今次懶得行。

正題
畸形但仲食得嘅蔬果會被嫌棄。 
話說歐盟2009年之前有規定青瓜嘅直身標準。因為咁好多彎嘅青瓜都唔可以賣, 做成浪費。而依家雖然冇咁嘅要求,但係運青瓜嘅箱主要都係for直嘅青瓜,仍然冇人想要彎嘅。
 
乾旱嘅奧地利農地。 

介紹因為啲人要快同平。造成超市嘅浪費。

 
 
介紹賣唔出嘅麵包嘅出路。 
雞嘅居住環境。

食肉會製造幾多炭排放。
原來中國係蕃茄製品第三大製造國,僅次於美國同意大利。
我睇過一個德國嘅紀錄片。話好多罐裝蕃茄都冇寫啲材料係邊度嚟。節目去咗中國採訪一個供應蕃茄嘅農民。佢塊田隔籬就係一間工廠,大量污水排出. 佢就用呢啲水嚟淋蕃茄。
睇吓啲發霉菌。
介紹過咗最佳食用日期嘅嘢仲可以擺幾耐。印象最深刻嘅係罐頭可以再五年. 而鹽就唔會過期。
介紹保存食物方法。煮同醃。
個展覽唔係太多嘢睇. 咁順便行巡吓啲常設展館。
可能疫情同平日嘅關係,遊人唔多. 未見過咁冷清。



14 則留言:

  1. 醜樣食物平啲賣畀我。唔浪費,過期小小我都食架!價真棧好似會入啲快到期食物用低價促銷,舊年過年買過4kg大盒三角嘜朱古力$60,享受完就條腰肥咗1吋。哈哈!

    回覆刪除
  2. 電視介紹, 呢度有餐廳會專收D無人要嘅醜樣蔬果, 以唔浪費做賣點

    回覆刪除
  3. 邊個定呢d規定,有時變形瓜果更有風味
    除咗鹽,大把乾貨香草都唔會過期,只要唔霉冇蟲

    回覆刪除
  4. 封左城咪連呢D也無得睇.
    以前D野也無咩過不過期啦.

    回覆刪除
    回覆
    1. 係呀,又冇得行博物館喇。再次宅喺屋企。

      刪除

入咗嚟,不如寫幾隻字,留個言啦.