波蘭聖誕餐

平安夜去教堂好重要㗎。但係疫情唔想咁多人去，所以教會喺唔同地區嘅戶外搞咗啲pop-up彌撒。

而聖誕兩個聚會都係去咗波蘭人屋企。

12月24 , 去到時餐枱已擺咗餃子，煎鯉魚，酸菜, 康波特（compote, 水果水）.

大家係咪想講擺晒喺度咪凍囉。咁啱睇咗下面一個video，原來除咗湯(紅菜頭湯)全部都係凍食嗰喎。 （呢個我未問波蘭友人去fact check）。但係我哋食之前會拎返去叮熱佢。

Video中講嘅特別餐具，熨到直直嘅枱布，白色嘅威化餅(Christmas wafers /opłatek)都有。而我哋多咗有肉囉（呢個我之前都知應該只係有魚，可能友人都已經奧地利化咗。）

 

聖誕樹掛糖果嘅習俗唔知波蘭係咪都有。奧地利超市聖誕前會有好多for掛樹嘅糖上架。最普遍係呢啲古力遮仔，可能易掛起啦。 

甜品方面有傳統嘅 Piernik (Polish ginerbread,中間深啡色嗰舊），Kutia (最右邊嗰兜。資料話係波蘭東面嘅甜品。有啲穀物，罌粟籽，蜜糖等等。), Poppyseed cake ‘makowiec’（最下面嗰舊） 

個人評語＞冇樣好食。都係餅仔最啱口胃。

.

 

12月25去另一家人。食嘅嘢幾乎係一樣（都幾似我哋去人度拜年兼食飯，都係食嗰啲賀年餸咁。）呢餐亦有肉食。