話說雙十一單棍節呢度新聞有報導。好奇心下，望吓佢個國際版有乜平嘢啦。
唔睇由自可，一睇就不得了。我一直想要嘅嘢都有，亦可運往奧地利，有啲仲免郵費。
Click吓click吓 就買咗好多唔等使嘢。而我買嘅嘢偏向平同體積細。因為唔想畀呢邊嘅稅同郵局手續費。（經驗＞有次友人寄咗啲貴嘢嚟。呢邊海關要收番銷售稅。稅款郵局代收要另收手續費。）
比卡超€1,49唔知係次貨定翻版。顏色油得有啲啲瑕疵。(買咗呢隻嘢之後醒起唔應該買呢邊有版權嘅東西。唔知海關會唔會話你進口翻版貨嘛.)
矽膠, 十對, €1,32
我N年前喺香港十蚊店買得一對㗎咋。
矽膠東東，€1,35
人仔, US$1.03 (初初買唔知可以轉歐元）
隔水
Eye glass stopper我有需要。舊嘅已經鬆。
套咗，膠樽變咗有把手。自己都覺得呢個係最無謂嘅。
咁樣用。
仲有啲都仲未收到。之後又再買咗其他嘢。遲啲再出開箱文啦.
差啲唔記得講我已經有中伏經驗。話說睇tracking有一間居然取消咗出貨。等佢差唔多一個月後都未再出貨喎，咁聯絡店主啦。店主扮晒嘢話乜仲未收到呀，咁我退錢啦。依家錢仲未收返。係咪要向客服投訴嘅呢？
有用的小玩意！
回覆刪除我好蠢，唔知點淘寶。買過一次野，都係搵人幫手。
中國淘寶係咪要有中國戶口先得？？
刪除對於淘寶，我一無所知。
刪除哈哈，咁唔問你。
刪除我估吾到淘寶可以寄到歐洲咁遠，
回覆刪除國際版可以㗎。
刪除全世界也可以
刪除中文版都係？
刪除你冇嘢呀，山長水遠買d咁嘅嘢，擋水咁痴線係你先會用，仲以為係摘香草果件嘢．
回覆刪除唔退錢，同佢講負皮佢，同淘寶投訴，佢會驚！
去日馬啦，我都等緊d貨到．
你果邊應該德馬仲方便
刪除摘香草嗰件嘢我呢邊超市有賣。咁唔買淘寶貨啦。
刪除好，投訴佢。
日馬運費超級貴。德馬冇嘢好買。
淘寶盡量揀天貓，好似話正貨多
刪除日馬我買3樣到咗2樣，好快，仲快過淘
天貓...search吓英文係乜先。
刪除咁遠水路，買得咁少
回覆刪除陸陸續續買咗好多㗎，未收到咋。
刪除要向客服投訴
回覆刪除好，投訴佢。
刪除全部係無謂野，哈哈
回覆刪除Eye glass stopper實用㗎。我用咗十幾年。
刪除新奇有趣小家品。
回覆刪除王子愛擺小藍人兀高 pat pat 姿勢。
上癮？有下次
係喎，要幫藍人搵番個partner先。
刪除陸陸續續買咗好多㗎，未收到咋。
買開會上癮🤣🤣
回覆刪除係呀，不停買。
刪除增加生活情趣的小用具，
回覆刪除不太貴又帶來方便，
自己用得開心最重要！哈哈！
最梗要自己開心。
刪除我之前第一次訂天貓超市簡直嚇親，買满249免郵10kg到香港家，而且兩日內就一定到。訂香港超市如果想晚上收貨起碼要等四五日。
回覆刪除嘩！快得咁梗要。
刪除除非急要物件同衫褲，近 6 成嘅日用品我都會網購(非淘寶網)。
回覆刪除亦未必一定會等到雙11、雙12呢類特定嘅“特價”日子,皆因d所謂嘅特價未必會系特價，都系玩心理。好多時過幾日後check番個價錢發現自己買貴咗，相同物件嘅平日價其實仲平過“特價日”，但最抵系遇到免郵！
我其實鍾意摸吓啲實物，好少網購㗎。
刪除大鄉里, 我從未淘過, 反而隔雜個位會買野, 佢話而家比以前貴左, 尤其郵費
回覆刪除未淘過就唔好喇，會越買越多。
刪除祝
回覆刪除冬至、聖誕、新年愉快
大家咁話！
刪除戒左淘寶啦🙂
回覆刪除咁叻?定係搭單叫人幫你買咋?
刪除疫情下網購大增,但我愛睇過實物至買,亦享受揀吓摸吓嘅過程!
回覆刪除我鍾意摸吓啲實物, 尤其係衣服。
刪除你有用集運? 一定有快遞可以幫你寄去國外, 係運費仲貴過貨品同時間
回覆刪除英文版唔覺有集運。但我寧願佢一件件寄嚟。一次過太多怕呢邊要收稅。
刪除哈哈哈,你咁遠也咁支持強國出品呀.
回覆刪除冇計啦，連埋郵費都仲係好平。
刪除