2020年12月12日星期六

食油回收

食油回收其實我呢邊一直都有。餐廳嘅會有垃圾車嚟收,當然係用者自付啦。而家居食油就要自己拎去垃圾站, 但係垃圾站唔近我屋企。所以我一直都係倒落廁所(盡可能落多多洗潔精)。

有關當局時時都叫人唔好倒落廁所㗎,因為啲油凝固咗會塞坑渠。

最近喺屋企附近一間超市見有個回收機。個膠罌免費提供。

個罌約1L ,有防漏蓋。食油用佢儲起(只收植物油)。
暫時可能係試驗階段。回收地點唔多。收集咗嘅食油會循環再造。
放心,唔係再整食油,係用嚟提煉有機柴油。

打開個蓋,倒啲油落去(最多3L)。然後撳start。部機就會慢慢吸啲油入機身。機頂順便過濾啲渣滓。
完成步驟後會有呢間超市嘅現金券畀你。1L值0.1歐。

23 則留言:

  1. 回收炸過野嘅油﹖
    環保,都幾好!

    回覆刪除
    回覆
    1. 例如啲油浸沙甸魚嘅油都可以。總之唔係動物油如豬油,鵝油,牛油。

      刪除
  2. 我多數加D麵粉撈埋一齊, 之後包好至扔
    某地方一早有做回收啦, 叫地溝油嘛

    回覆刪除
    回覆
    1. 我冇諗過可以撈麵粉添。
      某地方呢啲最叻㗎啦。

      刪除
  3. 100円店買油凝固,一舊嘢掉垃圾桶乾手淨腳

    回覆刪除
    回覆
    1. 嗰隻粉我都想買㗎之前。
      依家見有回收,仲可以再造其他燃料。唔使嘥咗啲資源。

      刪除
  4. 我甚少有油需要回收,有時用紙索咗佢就算。

    回覆刪除
  5. 我家唔炸野,無油剩。如萬一有油,我入冰櫃,雪硬之後掉落垃圾桶。

    回覆刪除
    回覆
    1. 雪硬都係一個方法.
      依家有回收再造其他燃料。唔使嘥咗啲資源。

      刪除
  6. 在環保園參觀過一間食油囘收公司,
    囘收食肆的油再提煉成有機柴油和其他副產品,
    但困難重重,讓人囘收的食肆仍不多...

    回覆刪除
    回覆
    1. 原來香港都有人做呢個回收。但係香港食肆唔係用萬年油嘅咩?

      刪除
  7. 時時炸嘢食用油的人就很適合……

    回覆刪除
  8. 倒落廁所好易塞架。

    我都係儲埋先處理。

    回覆刪除
  9. 好少炸野,所以無呢個煩惱!

    回覆刪除

入咗嚟,不如寫幾隻字,留個言啦.