2020年12月20日星期日

淘寶

話說雙十一單棍節呢度新聞有報導。好奇心下,望吓佢個國際版有乜平嘢啦。

唔睇由自可,一睇就不得了。我一直想要嘅嘢都有,亦可運往奧地利,有啲仲免郵費。

Click吓click吓 就買咗好多唔等使嘢。而我買嘅嘢偏向平同體積細。因為唔想畀呢邊嘅稅同郵局手續費。(經驗>有次友人寄咗啲貴嘢嚟。呢邊海關要收番銷售稅。稅款郵局代收要另收手續費。)

 
郵運約一個月。睇吓買咗啲乜。如果大家未見過可以估吓有乜用喎。

比卡超€1,49唔知係次貨定翻版。顏色油得有啲啲瑕疵。(買咗呢隻嘢之後醒起唔應該買呢邊有版權嘅東西。唔知海關會唔會話你進口翻版貨嘛.)

硬膠嚟 €1,00

矽膠, 十對, €1,32 

我N年前喺香港十蚊店買得一對㗎咋。

 矽膠東東,€1,35

 人仔, US$1.03 (初初買唔知可以轉歐元)

 有個窿嘅羹,€1,70

有乜用呢? 上面嗰個係整肉丸用嘅。
 隔水

Eye glass stopper我有需要。舊嘅已經鬆。

套咗,膠樽變咗有把手。自己都覺得呢個係最無謂嘅。

 咁樣用。

仲有啲都仲未收到。之後又再買咗其他嘢。遲啲再出開箱文啦.

差啲唔記得講我已經有中伏經驗。話說睇tracking有一間居然取消咗出貨。等佢差唔多一個月後都未再出貨喎,咁聯絡店主啦。店主扮晒嘢話乜仲未收到呀,咁我退錢啦。依家錢仲未收返。係咪要向客服投訴嘅呢?

41 則留言:

  1. 有用的小玩意!
    我好蠢,唔知點淘寶。買過一次野,都係搵人幫手。

    回覆刪除
  2. 我估吾到淘寶可以寄到歐洲咁遠,

    回覆刪除
  3. 你冇嘢呀,山長水遠買d咁嘅嘢,擋水咁痴線係你先會用,仲以為係摘香草果件嘢.
    唔退錢,同佢講負皮佢,同淘寶投訴,佢會驚!
    去日馬啦,我都等緊d貨到.

    回覆刪除
    回覆
    1. 你果邊應該德馬仲方便

      刪除
    2. 摘香草嗰件嘢我呢邊超市有賣。咁唔買淘寶貨啦。
      好,投訴佢。
      日馬運費超級貴。德馬冇嘢好買。

      刪除
    3. 淘寶盡量揀天貓,好似話正貨多
      日馬我買3樣到咗2樣,好快,仲快過淘

      刪除
    4. 天貓...search吓英文係乜先。

      刪除
  4. 回覆
    1. 陸陸續續買咗好多㗎,未收到咋。

      刪除
  5. 回覆
    1. Eye glass stopper實用㗎。我用咗十幾年。

      刪除
  6. 新奇有趣小家品。
    王子愛擺小藍人兀高 pat pat 姿勢。
    上癮?有下次

    回覆刪除
    回覆
    1. 係喎,要幫藍人搵番個partner先。
      陸陸續續買咗好多㗎,未收到咋。

      刪除
  7. 增加生活情趣的小用具,
    不太貴又帶來方便,
    自己用得開心最重要!哈哈!

    回覆刪除
  8. 我之前第一次訂天貓超市簡直嚇親,買满249免郵10kg到香港家,而且兩日內就一定到。訂香港超市如果想晚上收貨起碼要等四五日。

    回覆刪除
  9. 除非急要物件同衫褲,近 6 成嘅日用品我都會網購(非淘寶網)。
    亦未必一定會等到雙11、雙12呢類特定嘅“特價”日子,皆因d所謂嘅特價未必會系特價,都系玩心理。好多時過幾日後check番個價錢發現自己買貴咗,相同物件嘅平日價其實仲平過“特價日”,但最抵系遇到免郵!

    回覆刪除
    回覆
    1. 我其實鍾意摸吓啲實物,好少網購㗎。

      刪除
  10. 大鄉里, 我從未淘過, 反而隔雜個位會買野, 佢話而家比以前貴左, 尤其郵費

    回覆刪除

  11. 冬至、聖誕、新年愉快

    回覆刪除
  12. 疫情下網購大增,但我愛睇過實物至買,亦享受揀吓摸吓嘅過程!

    回覆刪除
    回覆
    1. 我鍾意摸吓啲實物, 尤其係衣服。

      刪除
  13. 你有用集運? 一定有快遞可以幫你寄去國外, 係運費仲貴過貨品同時間

    回覆刪除
    回覆
    1. 英文版唔覺有集運。但我寧願佢一件件寄嚟。一次過太多怕呢邊要收稅。

      刪除
  14. 哈哈哈,你咁遠也咁支持強國出品呀.

    回覆刪除

入咗嚟,不如寫幾隻字,留個言啦.